PuntoGal e a revista Mazarelos asinan un convenio de colaboración
20 de maio de 2021 – O presidente da Asociación PuntoGal, Manuel González González e o representante de Mazarelos, Mateo Martínez Torres asinaron un convenio de colaboración mediante o cal Mazarelos se compromete a dar cobertura ás actividades realizadas por PuntoGal. Ademais, e grazas a este acordo poderán obter un dominio .gal a prezos reducidos.
Os premios Spin-Off PuntoGal lanzan a súa quinta edición
20 de maio de 2021 – O Dominio PuntoGal e o portal GCiencia veñen de convocar a quinta edición dos Premios Spin-Off PuntoGal, que recoñecen as iniciativas mais innovadoras xurdidas no ámbito das tres universidades públicas galegas. As interesadas en participar poderán presentar as súas candidaturas ata o próximo 15 de setembro.
PuntoGal colabora coa IX edición do Día das Rapazas nas TIC
20 de abril de 2021 – Este ano, por mor da pandemia a celebración consistirá nunha videoconferencia e contará coa presenza de Beatriz Paz Santalla, Enxeñeira en telecomunicación, Ana Freire, Doutora en informática, Úrsula Martínez Álvarez, Enxeñeira Aeroespacial e Verónica Bolón Canedo, Doutora en informática.
PuntoGal asina un convenio de patrocinio co Museo do videoxogo de Galicia (MUVI)
9 de marzo de 2021 – O presidente da Asociación PuntoGal, Manuel González González e o representante da Fundación do Museo do videoxaogo, Galo Alberto Martínez Nieto, asinaron un convenio de patrocinio mediante o cal PuntoGal fai unha aportación económica para o funcionamento do MUVI e as actividades que desenvolve.
PuntoGal colaborará co podcast cultural Café Derby 21
3 de marzo de 2021 I PuntoGal súmase ao proxecto Café Derby 21, un podcast que semanalmente presenta unha tertulia cultural coa presenza de talentos galegos que non sempre atopan un lugar onde falar das súas inquedanzas e proxectos. Durante un ano, o dominio galego colaborará con este espazo.
Remata o IV Concurso de Microrrelatos de PuntoGal e a Academia Galega
1 de marzo de 2021 -Este pasado domingo día 28 de febreiro rematou o prazo de presentación de relatos para o IV Concurso de Microrrelatos de PuntoGal e a Real Academia Galega. As dúas entidades mostran a súa satisfacción pola crecente participación de relatos, que este ano superan os 1.500. o dobre da participación do ano anterior e tres veces máis que no segundo ano de certame.
PuntoGal entrega os V Premios Paraugas de Márketing Dixital
18 de febreiro de 2021 – Nesta edición outorgáronse 18 galardóns que recoñecen as boas prácticas no eido da impresión e da edición, do deseño, da creatividade, do márketing e do márketing dixital, da comunicación e, por vez primeira, da organización de eventos. Máis de 60 conexións, actuacións musicais por sorpresa e centos de participantes.
Todo listo para a entrega dos Premios Paraugas
9 de febreiro de 2021 – Aínda que cun pouco de atraso, chega a festa da comunicación e o márketing de Galicia. Este venres día 12 celébrase a gala de entrega dos Premios Paraugas. É a edición do 2020 e, coma sempre, PuntoGal está presente para a entrega do premio que leva o noso nome, o de márketing dixital.
A Real Academia Galega e PuntoGal convocan a cuarta edición do concurso de microrrelatos
A Coruña, 28 de xaneiro de 2021.- A Real Academia Galega e a Asociación PuntoGal convocan a cuarta edición do certame de microrrelatos que crearon en 2018 co obxectivo de reforzar a presenza da lingua e da identidade propias no mundo dixital. O prazo de presentación dos textos, dun máximo de 200 palabras, permanecerá aberto durante o mes de febreiro.
Punto Gal renova o seu convenio con VINTE
26 de xaneiro de 2021 – A Asociación PuntoGal e a revista dixital VINTE, asociada ao xornal Praza.gal, renovan o convenio para a publicación da sección “VINTE na rede”, unha serie de reportaxes que de xeito periódico analizan a creación de contido en galego que podemos ver na web e nas redes sociais.
PuntoGal e o UVigo SpaceLab asinan un convenio de colaboración
21 de xaneiro de 2021 – O presidente da Asociación PuntoGal, Manuel González González e o Project Manager de UVigo SpaceLab, Manuel Diz, asinaron un convenio de colaboración mediante o cal o UVigo SpaceLab se compromete a dar cobertura ás actividades realizadas por PuntoGal.
PuntoGal e Nós Diario asinan un convenio de colaboración
11 de xaneiro de 2021 – O presidente da Asociación PuntoGal, Manuel González González, e o de Sermos Galiza, editora de Nós Diario, Xoán Costa, asinaron un convenio de colaboración mediante o cal Nós Diario se compromete a dar cobertura ás actividades realizadas por PuntoGal para promover a utilización do dominio.