PuntoGal, unha necesidade vital para a Galicia do século XXI

Por fin, Galicia ten un identificador en Internet, un carnet de identidade que lle dá visibilidade. E debemos de ser conscientes da transcendencia desta realidade na aldea global da sociedade da información e do coñecemento.

PuntoGal é un factor de cohesión social, que nos recorda que somos un pobo cunha lingua e cunha cultura propias, que se foi constituíndo ao longo de moitos séculos e que desexa un proxecto común para o futuro. É un elemento que reforza a nosa identidade, que nos une a todos os galegos, os da Galicia administrativa, pero tamén os galegos de lingua e de cultura que están fóra dela, tanto estremeiros como de países de Europa e de América a onde moitos galegos tiveron que se desprazar en busca dunha vida mellor.

PuntoGal é a fiestra pola que nos asomamos ao mundo e que nos permite difundir a existencia dunha Galicia moderna, dinámica, creadora. É a luz que nos proxecta a través do ciberespazo desde este pequeno recanto da Península Ibérica ata os lugares máis recónditos do mundo PuntoGal é un instrumento que xera riqueza como identificador da calidade das materias primas e dos produtos de creación galega.

Pero tamén a propia xestión deste dominio crea riqueza para Galicia, xa que todos os beneficios que poida xerar reverten integramente no noso país, na promoción das TIC, na promoción da lingua e na promoción daqueles elementos que contribúan a facer máis visible a nosa identidade.
PuntoGal permítenos incidir na gobernanza da ICANN, a corporación de beneficio público dedicada a manter unha Internet segura, estable e interoperable, para que estea sempre ao servizo dos pobos e das persoas, e para que nas súas actuacións se teñan presentes tamén os dereitos e as necesidades das minorías e das linguas de pequena dimensión.

PuntoGal ten vocación de ser o dominio en Internet de todos os galegos, é o teu dominio. É Galicia proxectada en todo o Universo, somos NÓS no presente cos ollos postos no futuro.

Manuel González González
Presidente da Asociación PuntoGal

2006
Xuño 4, 2006

Formación da promotora

Un grupo de traballo organizouse como Promotora para constituír a Asociación PuntoGal.

Xuño 10, 2006

Asemblea de Constitución

2006_1

A Asociación PuntoGal constituíuse tras varios meses de traballo por parte dunha Promotora formada por varias entidades representativas da cultura e sociedade galegas.

2007
Outubro 29, 2007

Premio Xoan Manoel Pintos

2007_1

Entregado polo concello de Pontevedra e a Rede de Entidades Amigas da Lingua.

2008
Marzo 17, 2008

Xuventude Galiza Net

2008_1

A Asociación PuntoGal consegue máis de 700 apoios durante unha LAN Party en Santiago de Compostela. Xa no mes de setembro teríanse superado as 9.000 adhesións individuais.

2012
Maio 29, 2012

Presentación da candidatura

Tras unha longa espera, finalmente a Asociación PuntoGal puido presentar a súa candidatura para solicitar un dominio para a lingua e a cultura galegas.

2013
Xuño 14, 2013

ICANN aproba o dominio para a lingua e a cultura galegas

Tras superar os requisitos impostos pola ICANN, a Asociación PuntoGal consegue a aprobación do dominio .gal.

2013
Outubro 5, 2013

Premio do CPEIG

2013_3

O Colexio Profesional de Enxeñeiros en Informática de Galicia concede unha mención especial á Asociación PuntoGal nos seus premios anuais.

Novembro 11, 2013

Sinatura do contrato

Sinatura do contrato

A Asociación PuntoGal asinou con ICANN o contrato de creación do dominio .gal.

Novembro 14, 2013

Premio San Martiño de Normalización Lingüística

2013_4

A Asociación PuntoGal recibe o premio San Martiño de Normalización Lingüística na categoría de Galicia Enteira que foi entregado pola Asociación Cultural o Brado de A Estrada.

2013
Decembro 12, 2013

Premios da Cultura Galega

A Asociación PuntoGal recibiu o Premio da Cultura Galega de Lingua.

2014
Abril 11, 2014

Delegación do dominio

2014_1

ICANN delegou finalmente o dominio .gal, de xeito que a Asociación PuntoGal converteuse nun operador de dominio de feito.

Maio 16, 2014

Dominio.gal

2014_2

Preséntase en sociedade a primeira páxina web creada baixo o dominio .gal.

2014
Xullo 22, 2014

Pioneiros .gal

Danse a coñecer os primeiros 93 dominios que e activarán baixo o sufixo .gal.

Setembro 16, 2014

Fase de Lanzamento

2014_5

Presentación da Fase de Lanzamento de .Gal na Real Academia Galega.

Novembro 27, 2014

Anuncio da fase aberta

2014_6

Anúnciase a apertura da Fase Aberta para o rexistro de dominios.gal nun acto celebrado na Escola de Enxeñaría de Telecomunicación de Vigo.

Decembro 2, 2014

Inicio da fase aberta

Inicio da fase aberta

Ábrese o rexistro de dominios .gal para o público xeral.

Decembro 5, 2014

Cultur.gal 2014

2014_7

Participación na Feira das Industrias Culturais do 4 o 6 de decembro cun stand informativo.

Decembro 11, 2014

Premio Manuel Beiras

Distinción Especial á Asociación PuntoGal da Camara de Comercio de Santiago de Compostela.

2015
Setembro 25, 2015

Socio de Honra

2015_1

Distinción Especial á Asociación PuntoGal da Camara de Comercio de Santiago de Compostela.

Decembro 4, 2015

Cultur.gal 2015

2015_2

Participación na Feira das Industrias Culturais do 4 ao 6 de decembro. Presentación da imaxe de celebración do 1 aniversario do dominio feita por ReiZentolo

2016
Decembro 2, 2016

Cultur.gal 2016

2016_1

Participación na Feira das Industrias Culturais coa colaboración de Gadis e o sorteo de 10 dominios gratuitos entre os expositores.

2017
Novembro 24, 2017

PuntoGal novo membro dos GeoTLDs

PuntoGal novo membro dos GeoTLDs

PuntoGal incorporouse como membro dos GeoTLDs que promoven as identidades dixitais locais.

Decembro 1, 2017

Cultur.gal 2017

Participación na Feira das Industrias Culturais coa colaboración de Gadis #subasoubaixes.

2018
Xaneiro 30, 2018

Concurso de micro-relatos

Presentación do concurso de micro-relatos en colaboración coa Real Academia Galega e Luzes.

2018
Outubro 20, 2018

PuntoGal participa cun stand na reunión de ICANN en Barcelona, a primeira que se celebra no Estado

Novembro 20, 2018

PuntoGal mantén reunións cos alcaldes das principais cidades de Galicia para promover accións de colaboración coas entidades locais

2018_3
Decembro 1, 2018

PuntoGal continúa a súa liña de proxectos propiciando a localización en galego do navegador Firefox

2018_4
2018
Decembro 13, 2018

PuntoGal reúnese en Santiago para pechar o ano tras superar os 4.900 dominios rexistrados

2018_5
2019
Xaneiro 30, 2019

II Certame de Microrrelatos

2019_1

Presentación do II Certame de Microrrelatos da Real Academia Galega e PuntoGal na sede da academia na Coruña.

Xaneiro 31, 2019

Sinatura do convenio co Colexio de Avogados para a mediación de conflitos cos rexistrantes de .gal

O decano do Colexio de Avogados e o presidente da Asociación PuntoGal asinaron un convenio para a mediación de conflitos entre os rexistrantes do dominio.

2019
Febreiro 8, 2019

Presentación da FIRST LEGO League Galicia

2019_3

PuntoGal acude como colaborador á presentación da FFL Galicia que ten lugar o 16 de febreiro.

Maio 25, 2019

PuntoGal padriño do Festival de Cans 2019

A Asociación PuntoGal apadriñou o Jalpón de Alicia, onde se proxectaron curtas paralelas fóra de competición.

Maio 27, 2019

Entrega premios II Certame Microrrelatos

Entrega dos premios as persoas gañadoras do II Certame de Microrrelatos na Real Academia Galega.

Xuño 12, 2019

Patrocinio da Selección Galega de Fútbol Gaélico

PuntoGal asina convenio de patrocinio das Seleccións Galegas de Fútbol Gaélico.

Setembro 12, 2019

Reunión dos GeoTlds en Santiago de Compostela

2019_6

Os días 12 e 13 de setembro o Grupo dos GeoTlds reuniuse en Santiago de Compostela

Setembro 12, 2019

Recepción oficial no Concello de Santiago

2019_8

O alcalde Xosé Sánchez Bugallo e representantes dos grupos de goberno da corporación municipal recibiron aos membros dos GeoTlds.

2020
Decembro 17, 2020

Entrega dos Premios Spin-Off PuntoGal na súa IV edición

Celebrado na Cidade da Cultura de Santiago, resultaron premiados Psico VR, Orballo e o Grupo VARPA