Novas
PuntoGal reúnese co secretario xeral de Emigración para potenciar o uso do dominio no exterior
29 de maio de 2021 - O secretario xeral da Emigración, Antonio Rodríguez Miranda, mantivo nas últimas horas una reunión cos responsables de PuntoGal, co obxectivo de potenciar no exterior o uso deste dominio a través dos centros galegos. A aplicación do “.gal” reforza a imaxe de Galicia no exterior e facilita que as asociacións galegas participen dun dominio que permite localizar os contidos e a información cultural.
PuntoGal colabora por cuarto ano consecutivo coa FIRST LEGO League Galicia
26 de maio de 2021.- A sétima edición FIRST LEGO League Galicia (FLL Galicia) celébrase o vindeiro 29 de maio. Como en edicións anteriores, o dominio PuntoGal colaborará co evento. Este ano, debido á pandemia, o campionato será en liña e contará coa participación de máis de 250 mozos e mozas. Nesta edición competirán 35 equipos,.
PuntoGal e a revista Mazarelos asinan un convenio de colaboración
20 de maio de 2021 - O presidente da Asociación PuntoGal, Manuel González González e o representante de Mazarelos, Mateo Martínez Torres asinaron un convenio de colaboración mediante o cal Mazarelos se compromete a dar cobertura ás actividades realizadas por PuntoGal. Ademais, e grazas a este acordo poderán obter un dominio .gal a prezos reducidos.
Os premios Spin-Off PuntoGal lanzan a súa quinta edición
20 de maio de 2021 - O Dominio PuntoGal e o portal GCiencia veñen de convocar a quinta edición dos Premios Spin-Off PuntoGal, que recoñecen as iniciativas mais innovadoras xurdidas no ámbito das tres universidades públicas galegas. As interesadas en participar poderán presentar as súas candidaturas ata o próximo 15 de setembro.
PuntoGal participa nas XXX Xornadas de Lingua e Literatura Galegas
22 de abril de 2021 - PuntoGal participará o próximo 24 de abril nas XXX Xornadas de Lingua e Literatura Galegas organizadas pola Asociación Socio-Pedagóxica Galega e Cig-Ensino. A AS-PG e a CIG Ensino levan 30 anos celebrando as Xornadas de Lingua e Literatura que pretenden servir de actualización e lugar de reflexión para as docentes de dita materia.
PuntoGal colabora coa IX edición do Día das Rapazas nas TIC
20 de abril de 2021 - Este ano, por mor da pandemia a celebración consistirá nunha videoconferencia e contará coa presenza de Beatriz Paz Santalla, Enxeñeira en telecomunicación, Ana Freire, Doutora en informática, Úrsula Martínez Álvarez, Enxeñeira Aeroespacial e Verónica Bolón Canedo, Doutora en informática.
PuntoGal asina un convenio de patrocinio co Museo do videoxogo de Galicia (MUVI)
9 de marzo de 2021 - O presidente da Asociación PuntoGal, Manuel González González e o representante da Fundación do Museo do videoxaogo, Galo Alberto Martínez Nieto, asinaron un convenio de patrocinio mediante o cal PuntoGal fai unha aportación económica para o funcionamento do MUVI e as actividades que desenvolve.
PuntoGal colaborará co podcast cultural Café Derby 21
3 de marzo de 2021 I PuntoGal súmase ao proxecto Café Derby 21, un podcast que semanalmente presenta unha tertulia cultural coa presenza de talentos galegos que non sempre atopan un lugar onde falar das súas inquedanzas e proxectos. Durante un ano, o dominio galego colaborará con este espazo.
Remata o IV Concurso de Microrrelatos de PuntoGal e a Academia Galega
1 de marzo de 2021 -Este pasado domingo día 28 de febreiro rematou o prazo de presentación de relatos para o IV Concurso de Microrrelatos de PuntoGal e a Real Academia Galega. As dúas entidades mostran a súa satisfacción pola crecente participación de relatos, que este ano superan os 1.500. o dobre da participación do ano anterior e tres veces máis que no segundo ano de certame.